>ПЕКАРИЦА<

Со мелење на зрна од пченица, р'ж, јачмен, овес, пченка, ориз, просо, хељда се добива брашно, еден од најважните состојки на човечката исхрана и главната состојка на лебот од памтивек. Пченичното брашно може да се нарече речиси синоним за брашното како такво, бидејќи тоа е една од главните прехранбени состојки во светот.

Најраспространето е во пекарството (пекарската индустрија). Во исто време, пченкарното брашно традиционално се поврзува со мексиканската кујна, како нејзина незаменлива состојка, додека р'жаното брашно во голема мера е раширено низ Централна Европа.

Брашното се разликуваат во зависност од намената: за производство на леб, бисквити, колачи и слатки, тестенини, обланди, за двопек. Според намената на брашното се мелат житариците до одредена гранулација, така да на пазарот се наоѓаат различни видови на брашно.

Пченичните брашна се прават од три вида на пченица - тврда, мека и дурум пченица. Тврдата пченица во својот состав има поголем удел на протеини и се користи за производство на пекарски брашна, меката пченица има поголем удел на скроб и се користи за производство на брашно за кондиторски производи, а дурум пченицата е многу богата со протеини и заради тврдата структура на зрното се користи за производство на тестенини.

Пченичните брашна, гриз и производи од гриз се прават со меленње на внатрешниот дел од зрното кое се нарекува ендосперм, после издвојувањето на љуската и клиците. На пазарот се појавуваат како различни типови и гранулации. Пченичните производи од цело зрно ги содржат сите делови на исчистено и сомелено зрно.